برنامج UltraSurf 8.8 الخارق لاخفاء الاي بي

بسم الله الرحمن الرحيم
شلون الشباب ... طبعا صارلي هواية ما كاتب شي بقسم الهكرز
ولهواية اسباب مو مال اذكرها هنا ...
بس ان شاء الله راح ارجع انزل مواضيع ..واريد اشوف نشاط منكم
الي ينزل برنامج ويجربه .. يرجع يكتبلنا رد , الغاية من الرد مو علمود تصير ردود هواية
بس حتى نعرف شكد ناس استفادت من البرنامج وشكد ناس فشل البرنامج وياهم
او اذا شفت الرابط ما يشتغل اكتب رد كول يابة الرابط ما اشتغل يمي
هم حتى كاتب الموضوع يعرف عيوب موضوعه ويكدر يحلها , هم يكدر يجابوكم على اسألتكم
بحيث الكل يستفادون ..
الموضوع هذا كلش هواية مكرر بالمنتديات العربية والعراقية
والي هوة برنامج اخفاء الاي بي الحقيقي للحاسبة
كل المنتديات نلكي بيها هيجي موضوع ... بس ولا برنامج يشتغل
واذا اشتغل تشوفوه يحتاج تسجيل و كراك ,او تشوفه يتعامل بظام البروكسيات العشوائي
يعني برنامج يستعمل بروكسيات فتشوف التصفح صار بطيييييئ جدا لو اصلا ماكو تصفح بعد, وهاي البروكسيات بيها درجات
منها الطبيعي البسيط الي اصلا ما يفيد , وتضل انت مكشوف
وبيها البروكسيات المخفية الي ممكن تسويلك هايد و تخفي الاي بي بدرجة جيدة
بس مو بالدرجة القوية جدا , ويضل اكتشافك امر ممكن من بعض مواقع تتبع الاي بي القوية
واكو نوع من البروكسيات الي يسموه عالي التخفي
highly anonymous proxy
هذا امكانية اكتشافك بيه تكون شبه معدومة , لان يستخدم سلسلة عشوائية من السيرفرات الدولية
عن طريق تكنلوجيا البردج ( الجسر )
لهذا تكون عملية تتبع الاي بي الاصلي مالتك صعبة جدا ...
اليوم جبتلكم برنامج اني شخصيا ما استغني عنه ... هذا البرنامج يخفي الاي بي بشكل رهيب
وينطيك افضل و اسرع 3 بروكسيات , وهوة يربطك من خلال افضل هذي ال 3 بروكسيات
وانت تكدر تغير بينهم , مرة تختار الاسرع مرة الاقل سرعة
هاي في حالة احتاجيت ان تستخدم البروكسيات الثانية بس هي كلها سريعة جدا
البرنامج سهل جدا .. ما يحتاج اي عملية ضبط , هوة كلشي يسويه تلقائي و ما يحتاج تنصيب
برنامج جاهز دبل كلك عليه رئسا يشتغل
هذا شكل واجهة البرنامج الي ما محتاج اي شرح

تشوفون هاي ال 3 بروكسيات متسلسلة حسب سرعتها ..
والبروكسي النشط هوة الي عليه اشارة صح .. وتكدر تاشر على اي واحد منهم حسب رغبتك
هسة نجي للفحص والتأكد ...
بس انزل عالتوقيع مالتي الجوة .. هسة تشوف اكو معلومات تخص الاي بي الحقيقي مالتك و البروفايدر الي يجهزك بخدمة الانترنت
اني بالنسبة الي هاي معلوماتي الحقيقية

لاحظ الاي بي الحقيقي مالتي هوة
86.108.52.254
والبروفايدر هي الشركة الاردنية للاتصالات
هاي المعلومات الي راح تتغير هسة عند تشغيل البرنامج ...
شوفوا شلون صارت

الاي بي صار
64.62.138.10
والبروفايدر مدري منو .. فد شركة هوريكين الكترونك
وللمزيد من التأكد ... اذا اعتبرنا هاي المعلومات بسيطة ومو كافية
فندخل على موقع

http://www.ip-adress.com/

الخاص بتتبع الاي بي , وهذا الموقع قوي جدا و صعب خداعه
جربوا تستخدمون البروكسيات العادية الي كلنا نستعملها , او برامج تغيير الاي بي التقليدية
مثل

hide ip platinum

هسة تشوفون انه راح يضل الاي بي الحقيقي مكشوف بالنسبة للموقع اعلاه
خلي نشوف هسة الموقع شراح ينطيني معلومات عن الاي بي الحقيقي مالتي قبل استعمال برنامج الاخفاء

IP address location & IP address info:
IP address [?]: 86.108.52.254 (Copy)
IP address country: Jordan
IP address state: n/a
IP address city: Amman
IP address latitude: 31.9500
IP address longitude: 35.9333
ISP [?]: Jordan Data Communications Company LLC
Proxy: None / Highly Anonymous Proxychecker
Organization: Jordan Data Communication Ltd.

خلي نشوف هسة شنو المعلومات الي راح تطلع بعد تشغيل البرنامج

IP address location & IP address info:
My IP address : 64.62.138.10
IP address country: Anonymous Proxy
IP address state: n/a
IP address city: n/a
IP address latitude: 0.0000
IP address longitude: 0.0000
ISP of this IP [?]: Hurricane Electric
Proxy: None / Highly Anonymous Proxychecker
Organization: Hawkridge Tech

لاحظوا الموقع ... ما كدر يحدد اي معلومة عن الاي بي الجديد , لا المدينة ولا الدولة ولا العلم ولا الاحداثيات
كلشي ماكو ..
بعدين رحت لغير موقع .. هم اختصاصه تتبع
جان ينطيني هاي المعلومات على هذا الاي بي

64.62.138.10 / US UNITED STATES / CALIFORNIA / PALO ALTO / SOUND OF HOPE RADIO NETWORK

الي ما الها اي علاقة بالمعلومات السابقة ... يعني انت من خلال هذا البرنامج
تااااااايه بالانترنت , محد يعرفلك لا اصل و لا فصل ولا منين جاي
وبالمناسبة هذا البرنامج يفيد الشباب الي ساكنين بسوريا
والي عدهم مواقع كلش هواية محجوبة
خلي يجربون البرنامج ويردولنا خبر .. لان المفروض هذا البرنامج يخليهم يفتحون اي موقع محجوب
هسة شنو رايكم بالبرنامج .؟؟؟ خووورافي بوووية لو موووش خووورافي
وهذا رابط تحميل البرنامج ..

انفخ هنا للتحميل

باسورد فك الضغط
"agent007"

بس رجاءً اذكروا المصدر عند الحوسمة و الخمط , حتى يعتبر نقل واقتباس مال حلال

geek

العميل الجميل ابو رمش كحيل geek