هل انت هاكر ؟؟ ادخل و اختبر نفسك بلا تردد

مرحبا شباب ...
اعتقد اغلب الي يدخلون لهذا القسم يعتبرون انفسهم هاكرز , الي يشوف نفسه انه صار هاكر او ماشي بطريق الهاكرز الصحيح خلي يختبر نفسه .. حتى يعرف روحه ديمشي صح لو اصلا مدا يشوف دربه حتى يتعب نفسه اكثر ..
الاختبار هذا مخصص لاختراق المواقع لانه اختراق المواقع هو اصعب انواع الاختراق ... هذا الاختبار مكون من 10 مراحل
الي هي اساسيات اختراق المواقع , كل مرحلة تحتوي على ثغرة امنية .. بقت انت وشطارتك شلون راح تكتشف الثغرة و شلون راح تستغلها حتى تجتاز المراحل هذي ...
اول شي لازم تسجل بالموقع و تسويلك حساب ( يوزر نيم و باسورد )
للتسجيل اضغط على الرابط
http://www.hackthissite.org/user/create
بعد اكمال عملية التسجيل ابدأ الاختبار من خلال الرابط التالي
http://www.hackthissite.org/missions/basic
طبعا ماكو حاجة اوصيكم على ادبيات و اخلاقيات الاختبار .. يعني رجاءً الي يعبر مرحلة لا يكتب شلون عبرها و لا يكتب الباسورد .. بس تكدرون تنطون تلميح بسيط او اشارة خفيفة حتى المبتئين يلزمون راس الخيط , مو اكثر من تلميح بدون اي اشارة للحل الكامل حتى الاختبار يصير حلو و الكل يستفادون منه .. بالمناسبة الموقع يحتوي على منتدى بيه قسم خاص لهذا الاختبار , الي يواجه صعوبة و ما يعرف شيسوي يكدر يدخل للمنتدى و يشوف التلميحات الحلوة الي تخلي الواحد يفكر و يشغل مخه ..
اتمنى ان تقضون وقت مفيد و ممتع في اختبار قدراتكم بدون ما تاذون احد و بدون ما احد يحس بيكم اذا فشلتوا بالاختبار
تحياتي الكم
__________________